-Pastor Hengam Kipgen
Deeper Life Ministries, New Delhi
Pathen in Daniel chu ngailut umpen mihem (10:11) tin ana kou vin ahi. Daniel banga Pathenin angailut leh asahlut tu khanga jong eiho lah umthei nalai nham? Aum theileh koi tobanga michu hiding ham? Daniel in Pathen na ding a thulhuh ana sem ho leh Pathen in ana manchah danho veo hite. Daniel hi Judah phung leng insung mite lah a kon, nolnabei mi, chihna nei, thepna bukimsoh, thepna dol’a thil hekhenje them, fel tah soulna neilou khangthah melhoi tah khandong ana hi. Amahi Babylon lengpa Nebuchadnez’zer in soh chang a ana kai mang laha khat anahin, ahivanga asoh chan na muna jong a Pathen dinga thi-ngam a ana dingdet leh pathen lhakang lou anahi (Dan. 1:4). Daniel leh aloiho chu Babylonte china, khantouna le nopsahna lama nasataha puikhanga amaho judate chondanle houlebih (Pathen na atahsan nao) akon ahinkhou puimang ding Pathen neilou chaldeate banga semding chu lengpa Nebuchadnez’zer tohgon ahi. Ahin Daniel chun Pathen cha khat hina in thulhuh det tah sem pun in a Pathen a din hinkho ana mang e.
1. His decision for purity (Daniel resolved not to defile himself from the foods of the king). Daniel chu Chaldean lengte neh leh don a kon a kikangse anahi. Mihem lhepna ana kipe masapen leh lhepna a alhah masat napen na chu NEH ahi (Gen. 3:1-5). Chaldean lengte nehlechah tuimama hijongle Daniel in Pathen neiloute junom sanom a chu kisuh boh ding adeilou ahi. Neh le don a kitim kiti hi mitampi adinga hahsa thil ahi. Pro. 25:28 in hitin aseije, “like a city whose walls are broken down is aman who lacks self control”. Mihem tampi ama tahsa kitim them lou jeh a alhun nading lhunjou talou ahi. Aninan, Daniel chu a chenna gam mite Chaldeante chondan (lifestyle & culture) a kona kikangse anahi. Nebuchadnezer lengpa chun Daniel leh aloiho chu Babylonte china le khantouna le nopsahna lama hataha puikhanga amaho judate chondanle houlebih (Pathen na atahsan nao) akon ahinkhou puimang ding, Pathen neilou chaldeate banga semding chu lengpa tohgon ahi. Pathen cha nangle keijin I Christian culture le lifestyle leiset mite a toh compromise ebol khah ding hi tijat umtah ahi. Pathen lungdei hinkho man nom nahileh tulai pathen neiloute chon dan (life style) tampi akona kikangse di poimo tah ahi. Na hou (religion) hilouvin nahinkho mandan/ nachondan johin koija nahi aphotchet ahi. Bible in “nanun nakhan na khosah dan u Christa hina thupha toh kitoh pu pou hen” ati. (Phi. 1:27).
2. His name changed but not his character and commitment to his God. Daniel chu Nebuchadnez’er lengpan amin jong ama hou thu toh kisai a akhel peha Belteshazzar (the keeper of the hidden treasures of Bel) asah ahi. Nebuchadnez’zer lengpan soh changa akai khangdong Daniel hi aminvang akhel jou vin ahin a Pathen dinga achon akhandan leh akipumpeh na hikho vang akhel jou jou lou ahi. Christiante min tia Samuel, Daniel, david and manyyy.. a kikou jong ahoi nai, ahin Pathen dingin vang n aim (name) sanga na Christian khankho leh chondan thupi jo ahi. Delhi or north india agam miten isah loutah in min tamtah nasah peh in tin nakou nante ahin nachondan, nakhanda (na character) akhel lou hinam, na Christian chonchan asuh set lou hinam ti kivet phat ngai ahi.
3. Daniel’s faith in God for wisdom (Dan. 2:18-23). Daniel chun chihna le thahatna hi Pathen a kon ahi ti kichet taha atahsan ahi. “… chihna le thahatna kiti chu pathena bou ahi, michingho chihna jong Pathen peh ahin, thil hetkhenna neiho jong hetna apeh ahi. Pathen nin thuh tah tah a kisel aki-im mangsa thil ho jong aphondoh ji…” Daniel chu Pathen kona chihna ana chang ahi, hijeh a chu aloi jouse chihna ana khokhal ahi. Khandongte chihna themna dal ehi jing laijun Pathen hi chihna sangpen petu ahi ti sumil poute. “..and the knowledge of the Holy One is understanding” (Pro. 9:10)
4. His Godly influence (Daniel influenced his friends for God.) Nebuchadnez’zar lengpa anneh tuitah neh a kisuboh louna dinga thulhuh(decision) sem masa chu Daniel bou ahi. Aman hangsan taha thulhuh asema aloite jong Pathena dingjoh a pangdet dinga influence abol hi dingin tahsan aum e (Daniel 1:8-13). Daniel in achanga hangsan taha Pathen dinga apan nachun aloiho jong pathen lama dinga asuh hat ahi. Ama det tah a Pathen dinga ana din na aga chun khonung chan a aloite Shadrach, Meshach leh Abednego jong Babylon lengpa Nebuchadnez’zer maija hangsan tah a ama limsemthu anga kung louhel dinga aki dintepi ngam u ahi. Daniel in asoh chan na Babylon gam jenga jong aloite Pathen a dinga influence abol e. Eiho Christian khang dong ten eloi egolte epi tobang hinkho mang dinga influence ebol ham or ebol ding ham ti eki gel diu nop aume.
5. Daniel’s vision for the future of his people. Daniel in Pathen akonin anam mite khonung khankho ding-Israel lengam kitundoh kit ding, Babylon gama asoh chan nao mun tina kon a kum 70 jouva ahung kithah phudoh kit diu, chuleh Jesu Christa hung pending leh phat nunung lam chan dingin themgao thil mu ana mun ahi. Pathen in Israel nam mite chunga athil gon tampi Daniel henga ana phon doh ahi. Tunia nang le kei adeh a khangthah te hi pathen in ijat leh inam a dinga athilgon ho phonna theija Pathen toh kilhon khom na hinkho eman u ngai ahi.
6. God revealed mysteries to Daniel. Daniel themgao lekhabu (the prophetic book of Daniel) hi Bible bu jouse laha leiset lengam holeh alengho thu kisei tam napen hidin ginchat aum e. Leiset lengte leh aleng gam hou achesa leh khonung chan na ahung lhung dingho chuleh Christa leng vaipoh ding phat chan thudol themgoa thu, thu kiselgu tampi Pathen in Daniel henga ana hetsah ahi. Pathen toh kalsong khom jing ehileh pathenin tu nikho laija jong nangle kei henga thil tampi aphon thei leh eihet sah nom nahlaiju ahi.
7. God holds your future. Dan. 12:8-9 &13). “…chetan Daniel, phat kichai kah adin chetan, naki chol doa nikho jouse akichai nileh nangma dinmun dia nakisempehna mun a chu nadin ding ahi” ati (12:9 & 13). Daniel henga Pathen in thil kiselgu tampi themgao thilmun ana musah nai, ahin Daniel hetdinga kiphal lou jong aum nalaije. Pathen in eihetsah eimusah chenga eima khang mite nam mite Ama deilama pui dingle tilkhou ding hi eima kin ahi. Khonung thilsoh ding thu thilguh tampi aphon na Daniel jeng jong Pathenin a khonung hinkho ama (Daniel) hetna a angap pehlou ahi. Nampi khonung hinkho phatna ding, hoina ding jengjong eima chihna leh hetna seh she a hithei lou ahi. Daniel leh akhang dong chanpi hon Pathen nasa taha ana hol jeh uva Israel gam chu pathen in restore ana bolpeh kit ahi. (Psalm 126) Tu khangthah ten leiset chihna leh hetna sangtah tah lah a lheitet golseh a ipan jing lai jun Daniel vetdan banga eima leh eima, igam inam, I lhed le na gam mite chuleh i Pathen ivet diu vin ekitem uve. Inam leh i-society khonunung khankho ding gelna jeh a tu them jilna phat hoilai ahilou leh tu sopi kingailut na kisuhboi lou ding ahi. Chuleh tahsa thu hihen lhagao thu hileh, nangma personal hinkho hihen midang naloi nagol na society hinkho hijongle thil tampi hi Pathen khutna ngap lhaha Ama a tahsan jala kalsonpi ding um ahi. Hiche tilou hin mihema lungmon na dihtah leh kipana dihtah amu lou ding ahi. Solomon lengpan hitin anaseije “ trust in the Lord with all your heart and lean not on YOUR OWN understanding; in all your ways acknowledge Him, and He will make your path straight (Pro. 3: 5&6).
8. Daniel you are highly esteemed. Pathen in Daniel chu ngailut umpen mihem (10:11) tin ana kou vin ahi. Tunin nang le kei jong i-chen na khopi sungle eima phat lai mite laha Daniel tobanga hinkho Pakaija dinga mang dingle Ama min dopsanga aum nadinga kalsona thulhuh sem ding in pakai minin eki tem un ahi.
